一個女人有愛情滋潤時，特別漂亮，最美麗港姐朱玲玲兩年前再婚後，比以前更明艷動人，臉上更寫上幸福二字。前日朱玲玲為了3月舉行的首個慈善攝影展，罕有地接受訪問分享攝影樂及大談婚姻生活，並謂與羅康瑞好夾。撰文：JessicaNgan
朱玲玲2008年11月在新加坡低調再婚，與瑞安集團主席羅康瑞結婚，成為羅康瑞夫人的朱玲玲，婚後生活保持低調，甚少接受傳媒訪問，今次她舉辦首次個人攝影展「惜福賞自然」為「看得見的希望」籌款，前日罕有地與記者單對單接受訪問，其中她談到婚姻生活時，笑容更特別燦爛，讓人感受到她的幸福。
盡量多陪家人
朱玲玲兩年前再婚，問到婚後生活的改變，朱玲玲開心地說：「你都睇到啦，開心、開心，多謝晒！冇乜大改變，做番自己，大家好夾，唔使太大改變，佢忙生意，都好鼓勵我繼續攝影同做慈善，佢都好了解。」
可會與夫婿分享攝影的樂趣？朱玲玲說：「佢鍾意打golf，佢平時工作好忙，有時間會打golf，我就會影相同打羽毛球，互相遷就，平時有時間都希望可以陪屋企人。」踏入新一年她希望可以放多點時間在攝影上。
運動扮靚養顏
現年50歲的朱玲玲一點都不老，問她不老的秘密時，她思考了5秒說：「唔……唔……冇乜秘密……正常生活，心情都好緊要，一個人唔開心個樣會『乸』住，開心可以睇到，塊臉好似扇窗戶，平時都有做運動，身體同心靈上都要平衡，不過平時都下工夫，因為身為公眾人物唔可以唔化妝唔梳頭出街，扮靚係一個人嘅basicneeds。」
攝影：孭器材最痛苦
將開個人攝影展的朱玲玲，有16年攝影修為，對攝影充滿passion，她說：「我好享受整個攝影過程，攝影對我來講係art&skills，用我嘅技術表達artisticconception（藝術概念），成個過程好有滿足感。」她平時喜歡用Canon相機，她說：「最痛苦係要孭一大袋器材去影相。」
為了攝影，朱玲玲毋懼日曬雨淋、被蚊叮或是站在濕漉漉的泥濘上大半天來拍攝bestshot，朱玲玲說：「最辛苦要應付好重嘅器材，除此之外，拎長鏡又唔可以戴帽，曬到黑晒，對手又乾，皺紋都出晒嚟，望相機時右眼要戚起，左眼又會出現皺紋，都幾大犧牲o架，試過影梅花，地下又濕漉漉，周身污糟，又試過被三腳架夾到手指出血，不過都無緊要。」
「捕捉自己個Mood」
攝影追求完美一刻，那對於朱玲玲來說甚麼是truebeauty？她說：「其實每個人嘅睇法唔同，我曾經影過殘荷花，畀屋企人睇，佢哋問我點解會影咁殘嘅花，而我係想捕捉自己個mood，例如影一個18歲嘅女仔一定靚，但人到咗50、60歲唔可以話佢唔靚，正如殘花都可以靚，殘荷花都可以影得靚，係好難捕捉o架，3月份嘅展覽可以睇到。」
暗標拍賣3萬8千起
朱玲玲的首個個人「惜福賞自然」攝影展，共有40幅作品，作品會拍賣籌款，為大連眼疾人士籌集手術費。攝影作品由即日起至3月1日接受暗標形式競投，每幅底價由3萬8千元起，3月5日公佈結果，渣打銀行會捐出相同金額的善款。
攝影展之後會免費開放予公眾，由3月10日至16日於金鐘太古廣場展出，4月6日至18日在上海新天地舉行。3月也會推出同名慈善影集，每本售價$520，等同一個成年人白內障手術的費用。