民建聯前日拉隊離場令立法會流會，大石壓死蟹令公民黨、社民連五個議員唔能夠宣讀辭職宣言，如此霸道兼侮辱議會精神嘅做法，引來好多市民非議，有人在網上發起一人一信投訴保皇黨恃勢凌人，呼籲睇唔過眼者向立法會投訴離場議員無恥。
八方向立法會秘書處查詢，發言人稱一日之內收到71個有關流會事件嘅意見，當中鬧民建聯或支持保皇黨嘅各佔多少，發言人話未有分類；秘書處過去幾日又接獲16個意見關於五區總辭嘅意見，是讚是彈亦係無分類。
流會後社民連曾考慮收回辭職信，押後辭職同保皇黨對着幹，看看民建聯下星期夠唔夠膽流多次會，不過長毛認為總辭公投應一鼓作氣，此議作罷。