阿爺喝令左派唔好玩公投一齊起義，不過土共始終忍唔住要出嚟，有人喺facebook發起「反總辭、反公投、反掟蕉、反社民連、反亂港大遊行」，號召不滿補選嘅人下個月28號上街，下午兩點鐘在銅鑼灣集合遊行到中環，截至噚日有80幾人聲稱會參加，另有約70人話可能會上街。
最終有幾多人遊行，暫時難以估計，而最近土共在fb創立咗個「我相信可以召集100,000個厭惡社民連的人」，至今有約4,000人join，至於幾個月前創立「我相信可以召集100,000個厭惡民建聯的人」嘅group，至今有超過76,000人加入，邊個黨比較乞人憎，睇完兩個數字，八方相信大家心裏有數。