花旗股市前晚先跌後升，聯儲局話低息環境仍然會繼續，銀行股大幅反彈帶動美股回升，技術上美股升勢可持續，蘋果ipad出台亦會為科技股帶來刺激。
港股噚日期指結算，好友發力追番323點，睇走勢恒指今日可以睇好啲，不過成交縮咗，如果反彈成交唔增加，去到20800就可能要回頭。
中海油C輪19109：中海油（883）昨收11.48元，升4.1%。股價扭轉連日跌勢，日內料試11.80元，破位進一步上試12.30元，可以諗吓隻C輪19109。
隻輪現價5.9仙，2010年10月5日到期，行使價14元，溢價27%，引伸波幅39.5%，有效槓桿5.8倍，正股見12.30元，19109睇8.7仙，正股跌穿11元，就沽咗隻輪止蝕。
俊樺