風水師司徒法正早前推出平民版種生基8,800元套餐，師傅自言可以為信眾消災解困，所以就算儀式中要捱6刀，仍吸引到近百名信眾到場。成效如何仍要時間證明，但師傅一日坐收80萬就是事實。
司徒法正在剛過去的星期日在粉嶺黃帝祠舉行種生基儀式，他表示有別於費用高昂動輒數以萬計的收費，每位參與人士只要付出8,800元便能達到改運的目的，所以當日便吸引到近百名信眾到場。司徒法正先在現場向各人講解種生基要注意事項，之後便命在場男士除去上衣方便儀式進行，而女士則獲豁免。
事前禁慾
當一切就緒後，司徒法正先在香爐上香，然後由同場10多位的法師誦經，之後他就手持菜刀，並以鐵鎚向着男士赤裸的胸及肚部敲打，而女士則敲打手臂代替。
司徒法正接受訪問時解釋說：「呢個儀式其實係幫佢哋洗去3世嘅孽障，好似海綿咁洗乾淨晒，之後就用誦經幫佢哋重新吸收過啲好運。其實劈嗰幾刀都好痛，因為我都幾用力劈。」
司徒法正透露所有參與的人士在儀式前三日要禁慾淨身，他補充說：「儀式完成之後返屋企仲要用我配嘅七色花連續冲凉，冲足七日用嚟封身封住啲好運。」
儀式傷神
司徒法正又透露每次做這類儀式都非常傷神，他說：「每次都會好攰，每個人要成差不多10分鐘，成百人都要做成10個鐘，所以唔可以經常幫人做。」當日師傅就由早上10時開始直到晚上7時許才完成，平民版種生基套餐收費雖然相對較便宜，但以當日計一日收入仍有80萬可算不俗。採訪：比華利