吳君如拍過無數咀戲，近年咀的都是靚仔，最新傑作是在電影《花田囍事2010》咀黃百鳴，她戲言：「百鳴哥呢類靚仔，我都好耐冇咀喇，以前啲人會講同吳君如咀好慘，今時今日就掉番轉，啲人會話『君如，你要同黃百鳴咀呀，咁慘。』都總算吐氣揚眉囉。」
君如笑稱自己咀仔無數，還越咀越靚仔，問她還有誰想咀？她如數家珍：「劉德華、古天樂、梁家輝同任達華，咁多靚仔我都咀過，真係冇乜邊個想咀喎！不過梁家輝同任達華就令我最難忘，呢兩個都係高手，佢哋真係好好咀，點咀都唔尷尬先犀利，好享受。」
刷定牙咀周慧敏
早前拍電影《得閒炒飯》，要與周慧敏接吻，君如說：「我自己拍咀戲都好怕對手口臭，所以我同周慧敏嗰場咀戲，一日刷幾次牙，唔想佢有心理壓力，希望佢投入，等佢唔好覺得錫緊一個女人。」
談到造人大計，君如坦言：「已經不停試，但係冇就係冇，本來諗住三年抱兩，我個女家都三歲嘞！」
採訪、攝影：胡比