現年43歲的蓋鳴暉日前喪母，不過一向專業的她甚為低調，並未有在人前流露出哀傷神色，前晚更如常工作，並與黎耀祥到佐敦灌錄賀年歌，其間更與祥仔有傾有講，但就一身黑色衣服，以表喪母之痛。
粵劇名伶蓋鳴暉最近忙於與吳美英的「鳴芝聲劇團」準備一連串20周年紀念慶祝計劃，並會於農曆新年間在北角新光戲院上演賀歲劇目《春花笑六郎》，雖然蓋鳴暉每次出席公開活動時未有異樣，但據知其母於日前病逝。
下月3日設靈
前晚蓋鳴暉和黎耀祥到佐敦灌錄賀年歌，她以一身黑衣示人，其間也與祥仔有傾有講，全程未有流露任何哀傷神色，難怪現場人士都不知其喪母之消息，不過及後記者向她求證時，她就大感愕然說：「吓！你又知？我媽咪係過咗身，但係我唔想講太多，因為最近做嘢，所以我嘅心情平復咗，我媽媽會喺下月3日喺世界殯儀館設靈，不過如果嗰日我有嘢做都未必去到，但係我有哥哥、姐姐，佢哋會搞。」
蓋鳴暉和祥仔原來都是第一次唱賀年歌，蓋鳴暉笑言平日主力以男聲唱粵曲多，今次要用女聲唱歌，所以有一定難度，不過她相信與祥仔合唱會給觀眾新鮮感。
祥仔獲斟開騷
至於祥仔也坦言今次是以友情價開金口，他說：「成件事開心，效果好，仲會拍埋MV，啲觀眾唔使淨係睇我腳板，仲可以睇我扮財神。」祥仔更自爆有人擬斟他開個唱，但他自言最大的興趣還是演戲，他笑言不知可否競逐新人獎，不過現場有人就取笑他可奪亞太區最受歡迎香港男歌星獎時，他即說：「唔好，呢啲留番畀後生仔。」
採訪、攝影：王崇穎