股海人心極其虛怯，無人敢大手入市撈底，反而趁個市彈番些少就先沽為快。個個獨沽一味，股價出現人踩人就越踩越低。
不少股份雖然業績表現有交代，甚至有大動作公佈，但股價一樣跌到走晒樣，搞到散戶好難接受，因明明覺得隻股票好掂。
以前曾有市場維持秩序人士話，如果個市唔就，隻股曉飛都係假，唔炒就係唔炒；即使你識表演吞劍、噴火都好，但市況咁差，有冇人肯睇都成問題，大家冇晒信心，邊個敢跟炒，咪惟有沽貨。跌市莫估底，幾時跌完？股友無謂估來估去。
近期中央打壓樓市，但對內房股後市睇法可以很不一樣。好似中國奧園（3883）若賣晒北京長安8號項目，住宅部份估計可套現130億元人民幣，每平方米意向價達8萬元人民幣，相信3年後仲可以升至15萬元人民幣，有留意價值。
奧園昨跌3%，收報1.28元，料後市在1.10元水平才有較強支持，到時先考慮入貨。
方星俠