最美港姐朱玲玲醉心攝影16年，昨日她表示會捐出40幅以花為題材的作品，暗標慈善拍賣，善款將撥捐奧比斯幫助內地眼疾人士。對於為何獨愛取材大自然，朱玲玲謂：「啲花唔會鬧我。」更笑言家人常被追訪，已經怕怕，故甚少拍攝他們。
羅康瑞太太、有最美麗港姐之稱的朱玲玲昨日現身中環，出席與渣打私人銀行合辦慈善相展的記者會，她將捐出攝影16年其中40幅以花為題材的作品，以暗標形式作慈善拍賣，之後更會於太古廣場及夫婿名下的上海新天地作展覽，所有收益撥捐奧比斯，用作醫治內地大連眼疾人士，昨日場中展示了其中一幅名為《荷塘麗色》的作品。
自嘲唔識偷拍
問朱玲玲為何鍾愛拍攝大自然，她笑說：「大自然係容易接觸嘅題材，我可以去一日公園郊外慢慢影，自己都感到好有福氣，擁有一對眼睛欣賞大自然。」問她會否多拍攝家人，她笑說：「少啲，佢哋俾你哋影到怕晒，同埋影人會令人好offensive，偷影又唔係幾得，啲花唔會鬧我。」
啟剛晶晶穩定
談到拍攝有甚麼辛酸，朱玲玲說：「有時出去fieldtrip一日，又唔夠男仔體能，都會好攰。」當記者問她其長子啟剛與郭晶晶的婚期時，她即大耍太極，笑笑口說：「佢哋OK，好穩定，自己乜都唔理，佢哋會handle番。」
採訪：JessicaNgan
攝影：ChanShunChing