鍾蕙芝（Lavina）、周秀娜、鄺敏慧和A.Lin等前晚到中環出席BeijingClub兩周年派對，由於o靚模雲集，眾人皆經過悉心打扮鬥艷一番，不過一向以博見稱的周秀娜和Lavina前晚的打扮就未見突出，反而穿上桃紅色露肩裙的岑潔儀（Zoey）甚為搶鏡，更不慎露出谷胸的nudebra，成功在眾o靚模中突圍而出。
由於活動期間有太多人聚集，引來警員前來了解；但這並未嚇怕早幾日與南亞裔男友人到蘭桂芳消遣而被警員搜身的Lavina，當時男友人與記者發生衝突，而一名女記者報稱被非禮及失去一張記憶卡，事件令她受牽連被搜身而痛哭當場，這晚Lavina強調是為工作而來，但坦言已告訴所有朋友不會再到夜店蒲。
Lavina為友求情
Lavina說：「同佢（男友人）見咗3次面，佢係做英文媒體，咁啱嗰日撞到，我睇唔到佢胸襲，佢都係出於幫我，但就唔應該做呢啲行為，其實當時好混亂，亦都有好多人圍觀，我唔係搜身時喊，喺的士上已經喊，因為我而搞到兩個女朋友，總之我哋冇攞個記者嘅記憶卡，但南亞裔男友人有冇攞就唔知，總之我希望盡快平息事件，一團和氣，如果佢有需要我都會幫佢求情。」
陳見飛有新對象
而早前因失戀而消瘦不少的陳見飛前晚現身時就增磅了不少，更顯得容光煥發，她自爆因為有新對象，她笑說：「係肥番，因為識咗個男仔，但就未開始拍拖，大家都有意思，佢係台灣人，不過就信佛，大家有唔同嘅宗教，我要返教會尋求協助。」
採訪：胡比
攝影：陳慧安