張衞健昨日在銅鑼灣接受《志雲飯局》訪問，談到日前有指許志安和鄭秀文復合，身為好友的他笑說：「佢哋都咁大個人，我又點會知呀？談情說愛呢啲嘢自己搞掂喇！BBQ嗰晚我有不在場證據。」對於有指安仔已與女友分手，他說：「據我知安仔嘅女友嗰晚都喺度，我哋好少見，不過次次打電話畀安仔，都會聽到有把女仔聲，佢哋冇分手，又點會同其他人復合。」健仔更笑說：「新媾就話要人多一齊玩，翻撻唔使喇，好馬不吃回頭草。」健仔笑稱安仔都是好馬。
志雲回應壟斷問題
此外，對於四大唱片歌手的MV亮相其他電視台，陳志雲說：「香港係自由社會，任何人都可以選擇自己鍾意嘅平台出現，TVB冇封殺過任何人，我哋一直只係講錢（版稅），而唔係鬥晦氣，總會有講掂嘅一日。」最近無綫被廣管局調查合約條款有否違反壟斷條例一事，陳志雲說：「呢個係舊聞，我哋準備緊有關資料，不過呢個問題好複雜，香港亦冇專業人士去界定壟斷。」
採訪、攝影：何慧斯