陳偉業、長毛辭職離開立法會之日，亦可能係議員足球隊玩完之時，因為兩人係球隊中堅分子，佢哋失去議員身份，球隊剩下四人，嚟緊星期日原訂同大律師公會嘅友誼賽亦要取消。
今屆立法會多咗幾個波牛，包括譚偉豪、林大輝，連同劉秀成、陳克勤等，湊夠腳出賽比較容易，可是陳偉業、長毛辭職後，球隊核心未必湊得夠六個人，可能無機會再出賽。
外援門檻都達唔到
據陳偉業講，根據一般賽例，最少有六個議員落場先可以立法會名義出賽，即係可以搵最多五個外援，不過家陣剩低四個議員，連搵外援門檻都達唔到，遑論組隊出賽，因此短期內立法會球隊可能冇機會落場。
假如長毛同陳偉業落選，立法會足球隊未做完今屆任期，隨時要提早玩完，為咗令兩人可以再上陣，建制派又多個理由唔派人參加補選，等兩人自動當選，順利歸隊就可以再落場啦。