陳奕迅（Eason）與容祖兒前晚在「SINA民意指數頒獎禮」各領4個獎平分秋色，二人為傳媒大獎爭到頭崩額裂，祖兒直言恨得該獎，又謂得獎後要Eason請吃飯，Eason則叫祖兒到環球慶功宴，並會加送12生肖公仔加情人節特別版給她，嘲笑祖兒情人節沒有情人送禮。
由新浪網主辦的「SINA民意指數頒獎禮」前晚在九展圓滿結束，全晚共頒48個獎項，英皇娛樂共得15個獎，環球唱片與華納唱片則分別得7個獎。陳奕迅及容祖兒分奪我最喜愛男、女歌手獎等4個獎成為大贏家（詳見附表），而蔡卓妍（阿Sa）則得3個獎排第2。謝安琪得2個獎，古巨基得1個獎，楊千嬅食白果，三人前晚均告缺席。
Eason：請佢食麥當勞
祖兒與Eason今年為四台聯頒傳媒大獎爭到火紅火綠，祖兒暫以14個獎領先只得11個獎的Eason，除非港台狂派獎予Eason，否則祖兒奪傳媒大獎可謂十拿九穩。問到祖兒是否恨得傳媒大獎？她說：「OKo架，唔想要、唔鍾意就假嘅，若果真係贏到Eason，就請佢嚟我慶功宴啦，不過我希望佢請我食飯，佢攞咗咁多年，我得到等於同佢分輕吓，其實雙冠軍都好，無論乜嘢結果都喺頒獎禮畫上完美句號。」
Eason得悉祖兒要他請吃飯，他說：「冇問題，佢公司咁多人，叫佢嚟我哋環球慶功囉，不過俾人影到會話佢過檔o架喎，睇死佢都唔會過檔啦。」可能指祖兒拉攏Eason離巢？他笑謂：「咁寫佢深入虎穴，請佢食麥當勞，加大個餐，送12生肖公仔，加個情人節特別版畀佢，情人節都冇人送嘢畀佢o架啦。」Eason說罷隨即大笑。
側田約曹格繼續High
此外，阿Sa透露想搞網上賣二手衫，問到可會與男友鄭中基一起做？她說：「其他藝人有興趣都可以畀我賣，我租個位畀佢。」側田談到曹格與他毆鬥被判守行為一年，他說：「希望佢OK順利，過咗去就抹咗去，守行為都應該，我哋會再挑戰大家意志力，唔飲醉，highhigh哋就OK。」他謂判刑後沒有與曹格聯絡。
採訪：馬建華
攝影：陳志嵐
SINA民意指數頒獎禮部份得獎名單
我最喜愛男歌手（香港）：陳奕迅
我最喜愛女歌手（香港）：容祖兒
我最喜愛全國男歌手：陳奕迅
我最喜愛全國女歌手：容祖兒
我最喜愛至尊金曲：《搜神記》容祖兒
我最喜愛至尊國語金曲：《紅豆》方大同
我最喜愛男組合（香港）：RubberBand
我最喜愛女組合（香港）：at17
我最喜愛全國組合：S.H.E.
我最喜愛男新人：（金）李治廷、（銀）周子揚、（銅）洪杰
我最喜愛女新人：（金）麥家瑜、（銀）樂瞳、（銅）徐子珊
我最喜愛至尊大碟：《H3M》陳奕迅
傑出音樂人大獎：方大同
傑出表現大獎：蔡卓妍
資料來源：新浪網
