一次過有五個議員辭職，真係開創香港立法機關歷史之舉，陳偉業噚日交辭職信後表現感慨，事關今次係佢第二次「落車」；上次係97年6月30日，佢同其他民主派立法局議員因為唔加入臨立會而被迫落車，當晚一班人站在立法局大樓露台發表宣言，誓言必定再回來悲情場面歷歷在目。
事隔10幾年，陳偉業話今次辭職心情激昂又興奮，只係環顧身邊，當日一齊站在露台嘅「戰友」已經人面全非，可見呢條民主路真係唔易行。五個議員噚日向秘書長吳文華遞信後，笑言有緣嘅話，幾個月後會再見，陳偉業要求吳文華每人送一個goodbyekiss當係祝福，吳秘書長堅守政治中立，只係同陳淑莊擁抱。