無綫劇集《女人最痛》噚日喺大埔比華利山外拍外景，劇情本來話張可頤俾人掟蛋糕，馬德鐘就喺度睇，點知張可頤病咗冇出現，只有馬德鐘頂住，佢話：「我之前都病咗成兩個禮拜，喺屋企要自我隔離，又戴口罩，仲搬咗入書房瞓。」馬德鐘仲話最近流感咁勁，佢本來想叫個仔去打豬流感針，但一聽到有個醫生打完下身唔郁得，即刻叫個仔唔好打住。