周秀娜昨日與林建明（沙姐）、祝文君、蔡國威及劉錫賢等，在旺角鬧市派發傳單，宣傳下月19日舉行為心晴行動籌款的「Super疑似巨星演唱會」。因旺角行人專用區曾發生掟鏹水彈案件，故沙姐特別安排專人撐傘保安全。
不過雨傘仍無法制止路人的狂言，周秀娜派傳單時，一個金毛青年公然說：「都唔係好大啫！啲雞仲大過佢。」當時周秀娜的反應是打個突，但事後她卻說：「我聽唔到，如果係應該叫佢睇呢個演唱會，心情會好啲。」果然EQ甚高。
周秀娜毋懼他人言語挑釁，反而擔心遭狂徒掟鏹水彈，她說：「行出去派傳單時都驚，因為我有個女性朋友中咗招，塊面損咗，家都仲未好得番，不過今次係為慈善，應該唔會有事發生。」此外，據聞涉出手打女友的崔建邦最近約見沙姐傾訴心中鬱結，對此沙姐說：「呢啲係私事，我唔想講。」
採訪：魯萍
攝影：彭琮然