建制派縮沙唔敢面對公投，不過呢個世界總有人想出位，08年成立嘅香港地產業界愛國會噚日發表聲明，譴責辭職搞公投、起義嘅政黨，指咁做係煽動市民侵犯《基本法》、犧牲香港繁榮穩定。
愛國會咁講應該反對補選，但又唔係喎，主席張鑫詡（又名張德和）同八方講，今日會開緊急會議商討支持五人參加五區補選。建制派勒住唔去馬，點解愛國會反其道而行？張鑫詡解釋，「我哋派人參加，係要呼籲選民唔好投票，唔好成全所謂公投。」參選卻叫選民不投票，八方聽到頓時O嘴，再問張主席會否參選，佢話呢件唔係個人嘅事，係關乎子孫嘅問題，「我希望有錢出錢、有力出力、有面出面。」