已故華懋集團主席龔如心嘅千億遺產爭奪案聽講好快有結果，案件主角之一陳振聰噚日晏晝4點幾俾八方撞到，好有閒情咁陪老婆喺中環IFC血拼，身邊仲有兩位女士。一行四人入咗意大利女裝鞋店GiuseppeZanottiDesignShop，女士們忙於喺鞋架前挑選心頭好，陳生就好有耐性咁企埋一邊等，其間同老婆有傾有講。
三女大有收穫之後，陳振聰陪佢哋離開時，身後仲有一名保鑣貼身護駕。陳生發現八方影相，隨即加快腳步，陳太一直跟喺老公身旁。陳振聰又主動同八方打招呼，話「你哋咁好嘢嘅。」八方問陳生買咗乜，佢答咗句「同老婆行街」就邊行邊揮手搭電梯走人。