下個月2至6號盧海鵬同朱咪咪會喺北角新光戲院做舞台劇《審死官》，鵬哥噚日接受港台訪問時話綵排好辛苦，相信除咗因年紀大同埋本身好忙之外，佢話：「已經豁咗出去，成日都唔齊演員，個個都咁忙，有時要對住空氣排，好似李龍基、朱咪咪鬼咁多嘢撈，不過好多冇乜嘢撈嘅都唔見人，搞到上演當日先踩台，到時睇吓點，爆得幾多就幾多。」