花旗股市連日下挫打擊投資者信心，港股跌穿多個技術支持位，噚日唔少人睇港股會下試20000關，不過港股走勢比市場預期為好，只下跌127點收市，後日就係期指結算，好友隨時會反攻。
花旗嗰邊都一樣，幾日間跌咗咁多，掃番一轉上嚟都好正常，如果花旗股市反彈，港股會由地產股帶動回升。
煤氣C輪19227：煤氣（003）昨收18.22元，升2.2%。股價連跌多日後，噚日以破腳穿頭回升，股價料試19.10元，破位睇19.80元，可以諗吓隻C輪19227。
隻輪現價9仙，2010年7月28日到期，行使價22元，溢價25.6%，引伸波幅41.9%，有效槓桿6.1倍，正股見19.80元，19227睇14.6仙，正股跌穿17.50元，就沽咗隻輪止蝕。
俊樺