國際米蘭在周日米蘭打吡最終9人應戰下，仍贈AC米蘭雙蛋，難怪教練摩連奴目空一切，高呼打7個都贏！同夜，基斯坦奴朗拿度（C朗）梅開二度領皇家馬德里贏馬拉加2:0，但他又因動粗被逐，事後不服氣並揶揄對方長得矮！兩個葡萄牙人，兩場2:0終以寸爆言論作結；然而球場乃英雄地，囂得起，又何妨？
藍鑽石、牽牛
「由天堂跌落地獄」，是西班牙《馬卡報》對C朗在馬拉加一戰的評價；《阿斯報》即指C朗是「天使魔鬼混合體」，與敝報早前對C朗於艾美利亞入球後被逐的形容，不謀而合。
在西甲榜首巴塞隆拿上周六大勝華拉度列後，皇馬為收窄與巴塞的差距，主場對馬拉加取勝決心極大；上半場已靠C朗梅開二度領先2:0，其中39分鐘C朗離門約30碼炮彈式勁射，為球隊射入第2球，更屬本周金球之一。
批踭打人領紅被逐
可惜C朗場內腳法秀麗，球場外私生活不檢點，已屢被傳媒批評；今仗又涉向對手「批踭」，被紅牌直接驅逐離場。事件發生在70分鐘，C朗接應隊友傳送轉身推進，馬拉加中場賓拿塞亞對他又拉又扯；C朗為了擺脫他，有意無意間手踭擊中賓拿塞亞鼻子。球證見狀即將C朗以紅牌直接驅逐，就算C朗又跪又拜，也改不了球證判決。
今次已是C朗今季第2度在皇馬領紅被逐（見附表），事實上他過去的踢法並不粗野，在曼聯6季也只領4面紅牌；不過，在代表皇馬上陣11場聯賽，已兩次成為「紅牌阿姑」，是過去3季在曼聯的總和。
C朗賽後當然大呼寃枉：「我絕不希望傷害任何人，我也不是踢法粗野那類人。他（賓拿塞亞）被我打中鼻子係唔好彩，因為他身高只得1米70；如果他高一點，我可能只會打中其胸部。」擺明寸賓拿塞亞生得矮。皇馬總監華丹奴則呼籲球證要優待C朗，因為他在球場是一個表演者。
皇馬贏2:0追近巴塞
皇馬雖然最終以2:0取勝，追近至只落後巴塞隆拿5分，但付出沉重代價；C朗領紅被逐，如果未能上訴成功，料停賽3場，皇馬下仗將作客拉科魯尼亞，更添失分機會。幸之後兩仗對手愛斯賓奴及薩雷斯，算是較易對付對手。
C朗球場「衰嘢」事件簿
日期：24/01/10
事件：皇馬主場對馬拉加，C朗在70分鐘向對手賓拿塞亞「批踭」，被球證直接紅牌驅逐離場。
日期：05/12/09
事件：皇馬主場對艾美利亞，C朗在88分鐘蓄意踢向對手奧迪斯後腳，兩黃一紅被逐（圖）。
日期：30/11/08
事件：英超曼市打吡曼聯作客曼城，68分鐘曼聯攻門，C朗竟用手擋住傳中球，結果兩黃一紅被逐。
日期：01/07/06
事件：世界盃8強葡萄牙對英格蘭，朗尼報復性踢向卡維奴，C朗向球證「加鹽加醋」，朗尼終領紅被逐，之後更向後備席「單眼」。
資料來源：《蘋果》資料室
註：只列部份
