許志安與鄭秀文（Sammi）這對過氣情侶，感情千絲萬縷，最近Sammi被發現上安仔家相聚，還指二人默認復合，昨日安仔只承認Sammi確曾到訪其家，對是否復合不肯回應，但身為好友的梁漢文（Edmond）被問到是否希望二人復合時，卻衝口而出說想。
許志安、Edmond、賈曉晨與EO2等昨日到灣仔，恭賀好友的華星冰室開張，安仔與Edmond都是華星出身，冰室其中一位老闆也曾在華星工作，安仔謂：「本來我有份投資，不過未有時間傾，佢哋已經開咗張，始終對華星有情意結，因為嗰時係最開心嘅年代，希望開分店時可以投資番一份。」一講到華星開心年代，自然離不開安仔與鄭秀文，最近Sammi被發現到安仔家中相聚，還指二人默認復合？安仔只說：「今日我唔係主角，我唔回應，只可以講佢係有上我屋企。」對於女朋友有沒有大興問罪之師，是否真的會與Sammi舊情復熾，他一概迴避不回應。
梁炳盼破鏡重圓
問到二人另一好友Edmond，知否安仔與Sammi復合？他說：「吓！一早起身就要我答啲咁嘅嘢。」對於Sammi上安仔屋企，他續說：「大家朋友去屋企好正常，又唔好寫得咁核突。」問Edmond最近有沒有見過安仔女友，他表示近來很少見到對方，提到外界很多人希望安仔與Sammi復合，身為好友的他是否也想二人復合？Edmond衝口而出：「都想，哎吔！唔係，做乜一起身就俾人強姦，佢哋嘅嘢我真係唔回應，總之乜都係隨緣啦。」
採訪、攝影：胡比