港股破關而落，上周五恒指曾一度大跌逾600點（最低20250），但午後反彈有力，收市只跌136點，但上周五美股繼續大跌，以美國掛牌的港股價位計，今日恒指會再開低約500點。不過，大市若能低開高收，則港股短期好有機會出現一次較為強力的反彈。
恒指10個交易日內已下跌2422點，幅度逾10%，會否一次到底，要看反彈後表現而定，但機會頗大。大市雖然大幅調整，但上周五上升正股仍有220多隻，股仔已普遍有勢，特別係大偏低的實力二三線股，更係追捧對象。
弘海（065）上周五被熱捧，最高搶到0.92元，收0.9元，大升0.16元，升幅21.6%，成交仲勁，超過2000萬股，比上周四大增8倍，亦係半年來最「墟冚」一日，今次急升，有強大動力配合，短線目標係1.2元，中線見2.0元。
弘海業務好單純，主要係工業（生產塑料編織袋）同礦業（煤炭貿易同開採），前者提供穩定收益，後者正處於開發期，但2010年開始，煤礦已投入生產，盈利將會大幅上升。弘海股價突然發力，不會無因。
8倍PE已值2元
集團一向經營煤炭貿易業務，而原定去年第4季出煤的地下煤礦，因工程關係略有延遲，但已擇吉在下月初投產，年產量約120萬噸，以現時煤價計，每噸最少賺160元，利潤高達1.92億元，就算保守一點，打個75折，都有1.44億元，弘海佔57%權益，有8200萬元。
09年（12月結）中期獲利2072萬元，估計全年盈利保持08年約5100萬元，每股盈利10仙。2010年，盈利將會三級跳，經濟好轉令塑料編織袋廠會有更好表現，盈利料有4000多萬元，加上煤炭貿易，以及新增的採煤盈利，估計集團盈利可達1.3億元，每股盈利25.6仙，以8倍PE計，股價已可見2字頭。2011年，煤產增加，盈利可再上升到1.6億元。
郭兆誠