近排天氣乍暖還寒，體力有如泥牛入海，肚皮不斷敲起鼓聲，可謂飢寒交迫!漫漫長夜最好吃個消夜補補倉，暖笠笠的粥品更是暖身之選。大角嘴有一家營業至天光的煲仔粥，不少人專程駕車來消夜，$30就有龍蝦落肚！
記者：王震遠
攝影：楊錦文、譚盈傑
模特兒：Sansu@PureModels
瓦煲生滾米氣濃
粥粉麪飯以粥為首，每當寒冷警告生效，小記特別口痕想食「濕米」。大路的粥底分兩種，一般粥店的粥底預先熬好，留在鍋慢慢溫着，質感雖軟綿，但始終欠鮮味。另一種風味的生滾粥才是小記最愛，同樣是預先熬好粥底，不同的是收到柯打才將配料連粥再煮，味道更鮮甜，而且生滾令粥的質地不稠不稀，感覺更鮮。大角嘴的「煲仔粥」以生滾粥聞名，特別在生滾時改用瓦煲盛着，更能保持熱力，送到客人面前升起縷縷輕煙，米氣四溢熱辣辣。成功吸引不少識途熟客專程到訪，毋懼寒風凜凜，漏夜也要嚐一煲熱辣的煲仔生滾粥。
凌晨三點最旺場
煲仔粥位於杉樹街，人流不算多，入黑後卻非常旺場。粥店無豪裝，牆上貼滿彩色卡紙手寫餐牌，是典型的街坊食肆格局，賣的是煲仔粥和小炒。老闆謝生說：「最高峯日賣500碗，平日七八點最旺場，跑馬日完場時更是應接不暇。」粥店只做晚市，每晚六點半營業直到天光六點，「凌晨三四點又很旺場，酒吧的熟客收工一班人過來食，他們很醒目，會預留龍蝦，否則一定無貨，海鮮天天都賣?光。」海鮮粥是主打，龍蝦、石斑、蠔仔、蟹等統統都有，用上馬來西亞或流浮山貨色，向大批發商直接取貨，定價因而較低，最貴龍蝦粥$30，泥鯭粥$20，難怪晚晚爆場。
生滾龍蝦粥$30
揀選馬來西亞新鮮龍蝦，斬件後加入煲仔粥內再煮。龍蝦肉厚，帶海水鮮味，肉質爽彈，粥底軟綿鮮甜。
生滾石斑粥$25
新鮮石斑粥切件，放進粥底同煲，石斑清甜，肉質滑溜，帶陣陣魚香，鮮味十足。
泥鯭粥$20
一煲有兩條新鮮泥鯭，煲仔粥熱力十足，蓋過泥鯭的腥味，獨特的魚香令粥底更鮮甜。
蠔仔粥$20
粥底加入大量蠔仔同煲，蠔仔逼出海水，粥底鹹鮮味濃，蠔仔大大粒脹卜卜，肉質厚身而脆口。
薑葱黑栢葉$40
以香葱和薑爆香黑栢葉，黑栢葉口感特爽，越咬越有味，經薑葱爆過後更香濃，一濃一甜跟生滾粥味道很夾。
ModelSansu
粥底軟綿綿，龍蝦很鮮，肉很彈牙。
食客Ric
龍蝦粥的味道很甜。
煲仔粥（23818357）
大角嘴杉樹街31號地下
柴九撐$38四寶粥
佐敦食肆林立，是吃消夜的天堂，吳松街的和味生滾粥早上七點半開門一直至凌晨三時，全日都有粉絲來朝聖。這裏也有炒麪、豆漿和手拉腸粉，但來得和味，當然要試生滾粥。粥底每天新鮮熬製，以乾瑤柱、豬肉、大地魚、皮蛋連粥底同煲，份外香濃。推介要試招牌和味四寶粥，一次過可試勻魚腩、魚卜、魚嘴、魚骨四個魚部位，生滾前師傅會先將魚肉煎香，去腥味又增添幾分焦香。和味所用鮮魚是由兩家相熟供應商，每天來貨四次，確保魚肉夠新鮮。這份鮮味更吸引不少名人明星捧場，柴九黎耀祥和兒子都是常客，老闆說他們最愛吃和味四寶粥。
和味四寶粥$38
魚腩、魚卜、魚嘴和魚骨先煎熟，去除腥味；魚腩清甜，魚卜爽口，魚嘴魚骨鮮味十足，一次試晒。
金牌及第粥$26
有豬膶豬心豬粉腸豬肉丸和豬肚，粥底富肉香，豬雜新鮮爽口肉味濃。
爽滑白灼鯇魚皮$18
魚皮以熱水煮熟再用冰水浸透，極爽口，撈麻油胡椒汁食，惹味！
和味生滾粥（27830935）
佐敦吳松街75地下
