內地電訊行頭有好消息冲喜，中國電信（728）喺國際權威財經雜誌《Euromoney》最新年度亞洲最佳管理及管治公司評選中，唔單止俾投資者選為「中國最佳管理公司第一名」，更喺亞洲所有行業綜合評選中，攞埋「亞洲最佳管理公司第一名」。
攞埋「傳媒大獎」
另外喺單項評選中拎咗「亞洲最佳企業管治獎」、「最令人信服企業策略獎」，同埋「管理層最樂於與資本市場溝通獎」（呢個激似樂壇嗰啲傳媒大獎）。
咁呢啲獎有幾咁巴閉？皆因比賽已經搞咗9年，今年有221個來自亞太區嘅分析員同基金經理參與，喺幾千間亞洲上市公司中選啲得獎者出嚟，所以並唔係一般豬肉獎。
不過，華華覺得更重要嘅係，中移動（941）都只係喺其中一個獎得第2名咋。
中電信董事長王曉初都曾經帶領過中移動，呢次又力壓中移，咁係咪代表初哥哥先至係電訊老總中嘅老總呢？