華華早排聽聞中銀國際資本市場部前阿頭黃啟立（Eric）去咗建銀國際，睇同一個部門，噚日喺中駿置業（1966）招股記者會就碰到佢。
去年8月加盟
Eric喺中銀做咗10年以上，行內冇乜人唔識佢，今次佢由一間中資行跳去另一間中資行，應該大有作為。Eric透露，過去一年主要唞吓，喺北京遊山玩水，到舊年8月加盟建銀，公司計劃大搞投資銀行業務，佢於是盡吓綿力咁話。
以往一講到中資投行，主要都係中銀、中金，近年工銀國際同埋建銀磨拳擦掌，好多大中型新股都見到呢兩間行做聯席賬簿管理人。據聞建銀今年就有份參與十幾隻新股，睇嚟中銀都要加把勁囉。