奧巴馬出招話唔俾銀行坐盤，仲有好多其他限制，道指上禮拜五再跌216點，收報10172，話咁快又返回10000關附近。
奧巴馬同班banker嘅角力啱啱開始，相信仲有排亂，港股上禮拜跌咗好多，不過禮拜五有單日轉向迹象，配合過千億元成交，今日反覆上升嘅機會較大。
吉利C輪19051：吉利汽車（175）上周五報收3.80元，跌1.29%。日線圖現錘頭，股價有機上試4.10元，破位睇4.50元，可以諗吓隻C輪19051。
隻輪現價84仙，2010年6月25日到期，行使價3.68元，溢價18.9%，引伸波幅80.6%，有效槓桿2.8倍，正股升上4.50元，19051有機見1.32元，如果正股跌穿3.50元，就沽咗隻輪止蝕。
俊樺