樂基兒做模特兒，浸淫時裝圈多年，天王老公黎明同樣備受品牌歡迎。黎明上周獲邀到米蘭欣賞名牌男裝騷，被安排坐在首行VIP位做特別嘉賓，又和品牌家庭成員傾到搭膊、咬耳仔。
黎明和樂基兒結婚兩年，近日有傳樂基兒懷孕，黎明以「眼見為實」回應，而他亦繼續工作四圍飛。黎明上周獲意大利品牌ErmenegildoZegna邀請去了米蘭，出席品牌在當地舉行的2010秋冬時裝滙演。
挑Polo領針織
太太做模特兒，黎明也和名牌時裝關係大好。去年10月，黎明為品牌新店主持開幕，認識了Zegna家族第四代成員AnnaZegna，女方特別邀請他到米蘭看騷，開騷前，Anna又在品牌位於ViaSavona的總部，為黎明介紹及挑選2010年秋冬新裝出席滙演。黎明最終自行揀選以polo領針織襯灰西裝，他說：「我好鍾意呢件polo領針織，西裝就結合咗傳統造工同新設計，莊重中有啲輕鬆，唔會過於拘謹。」
時裝騷上，黎明備受重視獲安排在VIPfrontrow看騷，他一入場就引起了資深時裝人SuzyMenkes的好奇，兩人傾了幾句。SuzyMenkes翌日在她於《國際先驅論壇報》（InternationalHeraldTribune）及《紐約時報》（TheNewYorkTimes）的專欄上都有提及，她形容黎明「穿上其中一件最熨貼但優閒的西裝，站在騷的正中，作為首行的特別嘉賓」，她更謂不覺得驚訝，因去年亞洲市場佔了Zegna生意的四成，亞洲明星自然吃香。
成立一百周年
ErmenegildoZegna1910年成立於意大利，今年剛好100周年紀念，一世紀以來都由家族經營，專攻高級男裝，2010年秋冬季走輕巧都市時尚風。
撰文：DebbieLum