曹格前日為打側田一案上庭，最終被輕判守行為一年，當晚他立即如常工作，到尖沙嘴錄音室和《超級巨聲》參賽者綵排後，約8時半左右由唱片公司人員陪同離開，由於樓下仍有記者追訪，險些撞到街上的小朋友，曹格見狀即開口叮囑記者小心，之後坐保母車返北角酒店休息。
經過一晚休息後，昨日中午曹格一早化好妝及set頭，坐保母車到將軍澳接受專訪，4時左右曹格便往無綫電視廣播城為晚上擔任的《超級巨聲》客席司儀準備，面容比前日上庭明顯輕鬆精神。
自認豬朋狗友
約7時許曹格大方接受訪問，他表示心情OK，前晚在酒店已和家人聯絡，問到老婆跟他說甚麼？曹格說：「冇乜嘢，OK啦。」至於有否聯絡側田？曹格表示未有，問到為何不主動打給對方，曹格解釋說：「我啱啱換咗手提電話，未入番全部人嘅電話。」更換電話是否想遠離豬朋狗友？曹格說：「我冇豬朋狗友，我先係人哋嘅豬朋狗友。我換電話係因為想同屋企人用番同一款電話，通話會平啲。」
學習適可而止
不少人如Soler皆叫曹格戒酒以免再生事，曹格坦言：「我唔可以將呢件事講為係因為酒，問題係我，我要戒醉。如果戒酒即係話酒係毒品，但問題其實係我，我要學點樣適可而止。食、玩同飲酒都要適可而止，如果你問我，我可以話呢個月內我一滴酒未掂過。」曹格表示會以行動證明給所有人看自己努力求變，他又強調沒有酒癮。至於側田昨日則到廣州出席音樂頒獎禮的記者會。
採訪：楊潔雯、張俊銘
攝影：黃文成、羅德光