黎明（Leon）與太太樂基兒（Gaile）結婚近兩年，近日傳出Gaile懷孕消息，昨日Leon出席聯合國兒童基金活動，再以「金句王」本色回應：「耳聽為虛，眼見為實。」強調太太沒有懷孕。Leon又表明將來Gaile是否有孕，也不會透露半句。
黎明昨日以親善大使身份出席於維園舉行的「聯合國兒童基金會《中國兒童周》2010」活動，在現場與來自雲南小朋友見面外，也為活動擔任頒獎嘉賓，Leon透露明日便會出發往雲南5天，作親善探訪。
拒談計劃生育
Leon太太樂基兒最近被周刊指已懷孕，Leon聽後便以金句回應：「耳聽為虛，眼見為實。」記者笑指日後會實Gaile，Leon即護妻說：「通常人去到呢個階段，就會傳呢啲嘢，傳就由佢傳，你有你哋問，總之冇呢件事。」問Leon有否計劃生BB？他即笑說：「有冇都唔會同你講，你又唔係我老婆！」是否要保持神秘？他則說：「係原則問題。」
對於「傳媒大獎」或有機會取消，問到Leon看法？他說：「個個年代唔同，會有變數，TVB同幕後又好，今次係度得好辛苦，呢件事同我無關。」提到他也是唱片公司老闆？他即表明說：「我哋只係想唱歌。」
懶理樂壇轉變
Leon解釋並非覺得「傳媒大獎」落後，問怕不怕被人感覺不關心樂壇，他說：「唔係，我係用最正面關心，用心做音樂出嚟畀人聽到有水準。」至於會否讓旗下歌手亮相亞視，及無綫沒有壟斷是否較好？他只說：「家仲喺改變嘅過程中，暫時唔會表態，會再觀察。」
此外，有傳千嬅將約滿AMusic，Leon表示只望做好音樂，他說：「完唔完約係商業秘密，唔會令聽嘅歌好聽咗，平凡同八卦嘅新聞，我有專業操守唔會再講。」
採訪：溫敏芝
攝影：黃文成
