農曆年小妹同男友去北海道過白色假期，當地天氣凍到攝氏零下十幾度，要羽絨先頂得住。攀山專家鍾建民叫小妹唔好亂買禦寒衫去旅行，着得太笨重容易跌倒受傷；最好買啲又輕又防水透氣嘅外套，內穿天蠶衣、抓毛，有需要再加件羽絨。
小妹聽佢咁講，早幾日去戶外服專門店Columbia逛吓。佢哋嘅太古資源部門經理Charis話啱啱返咗新貨，係今季最頂級，採用戶外全天候防護科技Omni-Tech物料嘅Parka外套（圖），防風防水透氣，罕有配埋可拆式羽絨，比抓毛仲暖，去北海道絕對冇問題，「呢件係Columbia最貴戶外服，成套賣4,999元，暫時只有男裝。」吓，咁小妹點算。Charis話唔使擔心，另一款由加拿大國家滑雪隊專用套裝，外套、抓毛、滑雪褲等一套四件賣7,096元。
電郵：mailto:[email protected]