方力申昨日終於親身交代認識誘騙o靚模性交的茅山師傅歐陽國富一事，有傳他及鍾欣桐（阿嬌）曾於歐陽國富的居所出入，他強調從沒與任何女仔去轉運，並自言不迷信，但如何認識歐陽國富等細節則不欲談論。蔡卓妍否認是歐陽國富的契女，也沒為他寫求情信。
茅山師傅歐陽國富誘騙o靚模性交被判監6年9個月，事件似已落幕，但之前有傳方力申及鍾欣桐曾於歐陽國富的居所出入，又分別有指蔡卓妍（阿Sa）及阿嬌是其契女，幾位當事人均未親身回應。
「我唔係迷信嘅人」
方力申昨日與鄧麗欣（Stephy）於沙田出席手機活動，小方說：「我想澄清我從來冇叫任何師傅去幫我改運同轉運，我都從來冇帶過人或介紹人去做呢啲事。」他坦承認識歐陽國富，但不欲談論細節，他說：「我由細到大都係非常幸運嘅人，我運動員出身唔信有捷徑，亦唔係迷信嘅人。」
小方不願評論歐陽國富的判決，他說：「件事擾攘咁耐，佢家人都好大壓力，第三者無謂再講。」至於有演藝界人士為歐陽國富寫求情信，小方說：「我冇寫。」談到阿嬌與歐陽國富同是1月21日生日，被指是其契女，小方說：「我都係睇報道先知。」
阿Sa：我冇契爺
小方謂父母曾為此擔心他，他說：「我同佢哋解釋得詳細好多，但啲嘢講出嚟好複雜。」小方沒有帶人去見歐陽國富，那是否被人帶上去？他說：「總之我冇同任何女仔去轉運，其他嘢唔講。」
另外，阿Sa昨日在奧海城出席活動，被問到有指她想轉運而飛起男友鄭中基，她即主動提及被指是歐陽國富契女一事，她激動地說：「我好想出嚟澄清我從來冇契爺，契仔就有兩個，真係好侮辱我嘅智慧。算啦，佢已經有佢應有嘅懲罰。」她否認為歐陽國富寫求情信，她說：「絕對肯定唔包括我同阿嬌，根本唔識佢。」
阿Sa得悉鄭中基相信她不會找茅山師傅後說：「唔會有人質疑我嘅努力。」有指阿嬌狼追向佐，阿Sa說：「佢對男對女都好熱情，而且極度容易相信人。」同場的楊千嬅謂對歐陽國富一事十分反感，提到有藝人寫求情信，她說：「我覺得唔能夠喎，呢個人啲行為唔得o架。」
採訪：李珮洳
攝影：陳俊強、仇志德
