有時覺得球場唔安全，尤其係球員，對住幾萬觀眾，真係球員在明、球迷在暗。
艾迪巴約入波後，走向阿仙奴球迷面前嘅挑釁慶祝方式而遭掟膠凳，呢啲都叫做自己攞嚟；而銀幣、打火機掟入球場嘅情況亦唔少，但球迷最近有新武器，用激光射向球員。今季巴塞對皇馬時，C朗等皇馬球員已經試過俾球迷用激光射面部，而呢種武器亦喺早前亞盃外出現，澳洲球員投訴科威特球迷用同一方法「襲擊」佢哋。表面上，激光冇咩傷害性，但如果擊中隻眼，真係盲咗都唔知咩事。
伯明翰持續上佳戰績，又有新球衣贊助商支持，喜事重重，士氣肯定好，英足盃對愛華頓，博不敗。
戰鬥員A
近5場往績：WWWLL
讓球主客和：伯明翰勝[+1]
心得：伯明翰軍心穩利爭勝