好多人說現在做貓狗幸福過做人，趙世曾女兒趙式芝和密友Sean上月養了一隻玩具約瑟爹利狗Bubbles，萬千寵愛，3個月大，不夠3磅重的Bubbles，已經被欽點，榮升主人代理的日本手袋A.D.M.J代言狗，雖然酬金只得一隻玩具羊，代言身份已經恨死不少名模明星。 撰文：林妙萍
趙式芝自小在上海有錢人家庭長大，被教育「養狗不如養人」，寵物屬於奢侈品。直到幾年前，搬出來獨立自住，才養了生命中的第一頭犬：鬆獅狗（ChowChow）。不少鬆獅天生有自閉傾向，加上主人初哥不識養，養到人狗都很疲累，最終惟有送給朋友。
寵兒源自日本
上個月，式芝因為同性好友Sean的關係，在寵物店以25,000元買了一隻日本出生的約瑟爹利狗Bubbles，從此改變了整個家的感覺，她說：「有咗Bubbles之後，覺得屋企係由一個住、瞓覺、食飯嘅地方，變咗一個家。Sean同我返工放工都會成日諗住Bubbles喺屋企做緊乜，兩個人都黐家咗，多咗返屋企。」兩口子每日追住Bubbles影相、用手機影狗狗，一隻得兩磅多的小生命，就有這麼大威力，式芝說：「見到佢真係好開心，好似開香檳啲Bubbles咁，係joyandhappy，同埋佢好鍾意聞香檳啲味，所以改咗佢個名做Bubbles。」
Bubbles最近更榮升代言狗，趙式芝去年取得日本手袋品牌A.D.M.J代理，手袋設計師、川久保玲前徒弟小林明彥更欽點Bubbles拍廣告，式芝說：「我自己開model公司，之前拎晒所有model嘅相畀佢睇，冇個啱，全部都擰頭，大家都好懊惱。上個月小林嚟香港，我哋招呼佢嚟屋企，佢老婆好鍾意Bubbles，一見佢就好熱情、好開心，小林即刻點頭，大家決定搵Bubbles代言。」
狂餵零食肚屙
上周Bubbles去了影樓影廣告相，先去寵物店set頭扮靚，點知出事，趙式芝笑住說：「啲姐姐不停畀零食佢食，食到飽晒，影相時已經好眼瞓，對玩具、snack全部都冇興趣，成個樣擺出嚟『快啲啦！』咁款。」最終影了兩小時，三、四個造型，返屋企更肚屙幾次，酬勞，就是一隻玩具羊。
愛的延續
由大狗養到迷你小狗，全因愛的延續。趙式芝密友Sean一直養約瑟爹利，去年18歲、等同人瑞的愛犬Toby過身，傷心不已，上月見到日本出生的Bubbles，愛念重生。
惠及寧夏婦孺
趙式芝說：「我哋嘅袋好多以Love做主題，我哋用Bubbles拍廣告，都係想sharelove，今年情人節又係農曆年初一，我哋想講嘅愛，就係一種大愛，關於家庭、父母、人同動物、同埋愛自己。」Bubbles代言A.D.M.J的其中一款手袋，會將部份收入捐給「寧夏的孩子」慈善項目，關愛寧夏的婦孺教育。
