【本報訊】維園年宵下月8日起一連七天舉行，巿民逛年宵大飽口福，年宵新丁豪擲半百萬元投得兩個熟食攤檔反傳統大玩韓風，售賣韓式泡菜辣炒年糕，劈價八成5元賣餃子；年宵常客雞仔餅大王則升呢首賣「一雞三味」：南乳、咖喱、沙嗲雞仔餅，以至幾近失傳西樵大餅，攻陷港人味蕾。
記者：蔡朗清、鄧愷欣
韓國食品代理蕭邦貿易公司豪擲56萬元投得維園年宵兩個熟食攤位，售賣韓式炒年糕、湯烏冬、餃子等韓國街頭車仔檔地道美食。該公司港、澳及大中華區市場業務總監林偉達坦言，以往年宵熟食檔只賣魚蛋、燒賣，今年決加入新元素刺激巿民味蕾，「畀港人試吓韓式年糕嘅辛辣滋味。」
每日首百位５蚊試食
林偉達表示，韓式炒年糕共有三款口味，分別是原味、一品（即泡菜味）及芝士味，「最傳統梗係泡菜年糕，辣辣哋好有韓國風味。」其他韓式小食還有如嬰兒拳頭般大的平壤大餃子、菜肉大餃子，細細粒的菜肉一口餃，以及專為小朋友而設、含豐富蔬菜材料的兒童餃。
林說，全場韓式小食平均減價一成，開幕首三天更會推出優惠，「每日頭100位客人，可以5蚊優惠價試食啲餃子。」他說，有關食品在巿面推出約一個月，首批近一萬包已售罄，「今次喺年宵平賣年糕、餃子志在宣傳，等巿民試吓韓國食品，冇諗住賺錢。」
蕭邦韓式食品（B、C攤位）
食品：紫菜湯烏冬 價錢：約20元/每碗
食品：炒年糕（分原味、泡菜味及芝士味） 價錢：約20-25元/每碟
食品：菜肉一口餃、兒童餃 價錢：約25元/每碗
食品：平壤大餃子、菜肉大餃子 價錢：約30元/每碗
雞仔餅大王梁銳洪一擲6萬元投得一個維園乾貨攤位，大晒冷推30多款餅食，較去年約10款多兩倍，其中主打食品除去年賣出逾10萬件的南乳雞仔餅。
咖喱味油香慢慢滲出
今次更首賣全新的咖喱味及沙嗲味的雞仔餅，以「一雞三味」搶奪人流，「麥當勞都要創新口味啦，呢個時勢唔整啲新嘢唔得。我見啲人好鍾意食咖喱飯、食沙嗲。」記者即場試食咖喱雞仔餅，第一口油香豐盈，再「」多幾口慢慢滲出咖喱味道。
梁銳洪表示，其他產品還有懷舊系列餅食，如香口薄身的南乳餅，卜卜脆芝麻餅及直徑達8吋的西樵大餅，「呢啲傳統餅冇乜人造，幾近失傳，見潮流興懷舊，炮製呢啲餅吸引年輕人。好似西樵大餅，全場最大，食一個都夠飽。」另一款鮑魚形狀的鮑魚酥，取其大富大貴的意頭。
梁續稱，儘管食品材料上漲，攤位成交價更較去年飆升一倍，但也不敢加價，「舊年雞仔餅每磅賣32蚊，今年都係一樣，希望薄利多銷多啲人買嘢。」
雞仔餅大王（30號攤位）
食品：雞仔餅（分南乳、咖喱、沙嗲三種味道） 價錢：32元/每磅
食品：8吋西樵大餅 價錢：10元/每個
食品：南乳餅、芝麻餅、鮑魚酥 價錢：10元/4個