頑石點頭:堅尼自作「葉」 博修頓越級贏埋 - 藍鑽石

頑石點頭:堅尼自作「葉」 博修頓越級贏埋 - 藍鑽石

上月盟主
洪金寶為某電子遊戲主機拍嘅廣告,同師奶、小朋友對戰互有勝負,滿足到大家喺真實世界打唔贏「巨人」嘅心理,難怪個廣告出街後反應奇好,據講令主機套裝銷量喺聖誕檔期一度賣斷貨,就算近日行開百貨公司仲見成棚人圍觀。我預計今晚英足盃都有「巨人」倒下,博英甲修咸頓主場砌低由堅尼領軍嘅英冠隊葉士域治。
只要有10年左右嘅波齡,冇可能唔識堅尼。呢位前曼聯隊長踢波勇往直前,但揸住呢個宗旨教波就有勇冇謀,淪落教英冠葉士域治事必有因。話說隊波季初戰績一團糟,到近期好番好多,高層就話係「有耐性嘅回報」。計我話言之尚早,過埋今晚對「修頓」呢關至講。「修頓」近績麻麻,但主將林拔腳風唔錯,近排接連有「士哥」,而隊波喺聖瑪莉主場不嬲有番咁上下,近5場4勝1和,最重要係領隊係曾執教韋斯咸嘅柏度,領軍功力比堅尼有過之而無不及。
葉士域治點計都只係英冠下游球隊,實力唔高得過英甲隊太多。睇埋盤,「修頓」呢場喺「讓球」就平手,喺「讓球主客和」甚至要讓[-1],行情一目了然,一於捧主隊成功越級挑戰。

博洛尼亞平手抵捧

講番貼士,上次捧嗰隊烏甸尼斯大部份時間踢多帕爾馬一個人,都只係食得嗰半個下盤,而因列斯聯爆冷輸波,令整日推介仲要倒輸,慘。列斯聯今次鬥熱刺當然信唔過,英甲決轉攻主場強勢嘅諾域治,唔貪心吼熱W作過關變倍器就算。上次中意甲,冇理由唔再追自己老本行,博洛尼亞上場贏唔到唔抵,明日主場對北上嘅巴里唔使讓盤,出擊無妨。
藍鑽石

近5場往績:WL/LW