啲人成日話，女人同細路仔啲錢係最易搵，我真係好認同呢句說話。近排我外甥仔鍾意咗T字頭啲火車玩具，於是我就去百貨公司買啲路軌畀佢，等佢可以玩得開心啲。真係估唔到，連路軌都有成幾十款，有直有彎有高又有低，雖則每包都係廿零卅蚊，但小數怕長計，若然每次買一百幾十，如果一路咁買，隨時買到你窮。唔怪得聽啲朋友講，買小朋友玩具都可以買成幾萬蚊啦！
上個禮拜再追伯明翰，點知佢哋場波因為天氣問題改期，但唔緊要，今個禮拜再嚟過。今晚佢哋喺英足盃作客愛華頓，雖則拖肥糖上場喺主場搞掂咗曼城，但呢班波好蠱惑，要讓波真係捧唔過，一於撐伯明翰。
青蛙仔
近5場往績：/WDWW
讓球主客和：伯明翰勝[+1]
心得：追到伯明翰斷為止