無綫親生仔黃宗澤（Bosco）在樂壇起步較林峯遲，今年才有首張唱片面世，眼見在樂壇出道僅3年的林峯獲頒亞太區最受歡迎男歌星獎，為求急起直追，近日密密排舞練歌，搞到傷及舊患，無非想殺出血路，欲繼林峯之後明年爭奪亞太男歌星獎。
早前林峯在《十大勁歌金曲頒獎禮》上創造傳奇一刻，獲頒亞太區最受歡迎香港男歌星獎。同樣跟無綫簽有經理人合約，被視為親生仔的黃宗澤，在樂壇起步較林峯遲，為免落後太遠，他急起直追在3月中推出首張個人EP，近日就密密為其中一首名為《一代宗師》的快歌排舞，乘勢跟這兩年的詠春熱接軌，他說：「呢首係跳舞快歌，裏面有功夫詠春嘅元素，可能寫詞人想食番詠春熱而衍生出嚟。」
他透露因為音樂節奏輕快，所以會配以hiphop舞步，當中亦有不少倒立等高難度動作，他說：「連續兩日都要排舞，每日練4、5個鐘，仲唔小心整到左腳舊患，所以都唔可以練得太急。」
向胡杏兒偷師
對於林峯獲獎，Bosco覺得實至名歸，不過自己還是新人，對獎項未抱太大奢望，他說：「佢都努力咗好多年，攞呢個獎都合理，自己先啱啱開始，邊度敢咁快諗獎。」
被問到會否向出道較早的緋聞女友胡杏兒請教舞技時，他就大方回答說：「佢跳舞跳得好好，我會從唔同嘅前輩歌星度偷師。」黃宗澤真係志在必得。
採訪、攝影：何永寧