由黃百鳴執導兼擔任主角的《花田囍事2010》，今次夥拍古天樂、吳君如、熊黛林和Angelababy等人，將於下月11日上映。事隔16年再拍，找來古天樂和鄭中基新晉搞笑演員，古天樂對夏春秋（冬叔）難忘，他說：「冬叔經常爆肚，場場都加嘢，拍之前問佢係咪咁講，佢話係o架，但每次都爆肚，好多嘢估佢唔到，搞到我成日背住鏡頭忍笑。」
黃百鳴捧Angelababy
對於兩位電影初哥阿Lynn和Angelababy，黃百鳴讚不絕口，更想捧Angelababy當喜劇女星，他說：「同佢圍讀兩次發現Baby好精靈，形象又健康，佢喺戲入面好多變化。阿Lynn戲中只要靚就得，佢要行貓步，佢兩個都好快上手。」
另外，今次古裝片仍加插現代元素，黃百鳴說：「上一套戲嗰個年代有call機，我哋戲入面就有傳呼蛙。家啲人興上網交友玩Facebook，我哋就有飛鴿傳書，講我同君如用呢個方法交友，每次都有張相，我就用張國榮嘅相同人哋交友！」
採訪、攝影：王連連