【廣州直擊】林海峰（Jan）上周末於廣州體育館舉行「是但噏我願意」，全場9,000多個座位全部爆滿，阿Jan事後表示當初擔心反應不夠熱烈，幸好得到的反應似足行雷閃電。
於香港舉行過多次棟篤笑的林海峰，上周末將「是但噏我願意」帶到廣州體育館，吸引了9,000多名觀眾入場。阿Jan甫開場先表演「是但噏求奇大合唱」的濃縮版演唱會，不過阿Jan於高台跳落地時，褲鈕即時鬆脫，幸好沒有影響演出。
及後阿Jan便開始發放笑彈，他說：「之前我同個同事上嚟視察場地，有個職員問我哋邊個先係藝人。我同張學友同年出道，佢用咗兩年已經打入內地，而我就用咗廿年，其實你哋有冇買錯飛o架？」
反應似行雷
為了迎合廣州觀眾的口味，阿Jan特意將之前在香港所講的facebook、youtube等話題改為開心網以及優酷，歌詞也改為簡體字。另外，葛民輝擔任神父的神級婚禮亦有搬到廣州舉行，只是少了謝安琪演唱，整個演出於一片歡呼聲中結束。
於慶功宴上阿Jan表示事前十分擔心有冷場，他說：「我初時預咗啲反應係螢火蟲，點知出嚟係行雷閃電。」適逢開騷當晚是《勁歌》頒獎禮，阿Jan覺得觀眾的熱烈，令他開心過得到亞太區最受歡迎香港男歌星獎。阿葛會繼續為阿Jan澳門及多倫多站擔任嘉賓。
採訪、攝影：曾小嘉