賈曉晨（JJ）、黃又南及MCJin日前為他們有份主演的新片《打擂台》，拍攝電影主題曲MV。雖然現實中惟獨又南有少許武術底子，但拍攝時三人耍功夫時均有板有眼，JJ及MCJin分別耍出一招大聖劈掛，又南則大打西洋拳。
賈曉晨、黃又南及MCJin等日前到觀塘為電影《打擂台》拍攝MV，導演拍攝他們的個人表演時，MCJin一邊耍功夫一邊大喊大叫，非常落力。
筋骨鬆易上手
這次電影主題曲改編自早年葉振棠主唱的《大俠霍元甲》，由MCJin重新編曲，並加上Rap的部份，MCJin說：「呢首歌好正，好適合套戲，我第一次改完之後佢哋都話OK，但就覺得仲未係最適合，希望我將角色上嘅變化加入去。」
本身毫無功夫底子的JJ，自言開拍前只接受了兩星期的訓練，她說：「練功夫真係好難，好需要體力，不過好彩女仔嘅筋比較鬆，雖然家仲未好打得，只係花拳繡腿，不過擺甫士就一定冇問題。家一星期都上三日堂，希望嚟緊真係可以好好打畀人睇。」不過現場見她耍出一招大聖劈掛時，尚算有板有眼。
至於又南則從小學起已練跆拳道，入行後也有練習過功夫。戲中他經常被MCJin欺負，問到兩人對打時可有試過受傷時，又南說：「有呀，試過有一場戲俾佢打到我鎖骨，仲試過俾另外一個對手打到腹部，我即刻踎低咗，之後都痛咗幾日，最後去咗睇醫生，照X光發現係骨膜發炎。」
林家棟做監製
身為該片監製的林家棟，表示對JJ等三人的表現十分滿意，他說：「佢哋算係咁，家習武同以前唔同，以前係用嚟自衞，家就為興趣。」問到他為何會擔任監製時，他說：「因為華仔（劉德華）好想搞呢件事，我自己都想試新嘢。」此外，家棟透露新片除了三個年輕演員外，也集合了三位前輩級武打明星，包括陳惠敏、陳觀泰及梁小龍。
採訪：王崇穎 攝影：陳志嵐