陳冠希（Edison）作為唱片公司CEO，前晚不怕危險，不帶保鑣，出現在曾發生擲鏹水彈事件的銅鑼灣行人專用區附近，撐旗下藝人農夫宣傳新碟。被追問鍾欣桐與向佐的緋聞時，Edison表示開心就可以。
組合農夫前晚穿着西裝出現於銅鑼灣記利佐治街行人專用區宣傳新碟，吸引逾半百市民圍觀，二人戴上彩帶扮議員講政綱，陸永說：「林峯都攞到亞太區最受歡迎香港男歌星，我哋目標都係攞亞太區最受歡迎男歌星！」之後二人走到fans前扮訪問市民對其新碟的看法，忽然間陳冠希在他們面前出現，fans驚訝低呼，Edison走到台上大讚農夫新碟。
事後3人齊接受訪問，Edison謂開完會得閒特地來撐場，C君即說：「老闆嚟到有啲緊張，得我哋兩個就只要同自己交代，老闆嚟要同佢交代。」
不怕鏹水彈
Edison是日沒帶保鑣跟身，高調出現鬧市，且附近的銅鑼灣駱克道行人專用區曾發生投擲鏹水彈事件，他不擔心安全問題？他謂：「咁多人喺度，一定安全。」談到有傳鍾欣桐（阿嬌）追求向佐，Edison說：「唔知，好少睇香港嘅報道。」怎樣看阿嬌拍拖？Edison說：「開心咪得囉。」會否祝福她？Edison說：「做人最緊要開心。」但向佐已有女友Race，阿嬌頓變第三者，Edison聞言謂：「呢樣嘢我唔清楚，作為外人，我唔識回應。」
同Vincy關係好
問到有冇與阿嬌聯絡，Edison斬釘截鐵說沒有，至於與女友楊永晴（Vincy）現時關係，Edison先說：「我同農夫關係非常好。」然後才肯談女友，他謂：「一直好好關係，總之多謝大家關心。」
農夫被問到是否很恨得亞太區最受歡迎香港男歌星，陸永謂：「唔係，最緊要香港fans留意樂壇。」但林峯得獎受非議，陸永說：「每個歌手攞獎都有好多唔同聲音。」
採訪：魯萍
攝影：彭琮然
