G.E.M、鄭融、胡杏兒及藍奕邦等，前晚在將軍澳電視廣播城錄影《勁歌金曲》，杏兒以一襲貼身短裙大騷長腿，相當搶鏡。
自爆有人追
G.E.M近日與狄易達傳緋聞，對此她說：「Eason（陳奕迅）同陳偉霆都係咁傳，根本陳偉霆好似我哥哥咁，狄易達係我入行時第一個識嘅朋友，成日笑我o架，人哋影到我哋遊船河，係好多人嘅活動。」
有指G.E.M桃花旺，她說：「爛桃花囉，都唔係真命天子，我直到結婚當日都唔會公開戀情。」她又笑說：「幫我宣傳吓，等我多啲人追。其實家係有人追，但我未應承，要培養吓先。」
此外，鄭融在《勁歌》總選當晚所穿服飾遭受批評，她說：「套衫我自己揀嘅，我好鍾意喎，當晚都好多人讚，王菀之有讚我靚o架，但冇男仔讚喎。」
採訪：李珮洳
攝影：陳慧安