花旗股市前晚急跌，噚日港股再被淡友狙擊，恒指下跌423點收市，報收20862，沽壓明顯增加。
國內09年GDP增長8.7%，成功保八，其他經濟數據都好理想，港股冇受刺激，因為呢排炒緊政策改變，利淡消息滿天飛，經濟數據唔係市場嘅焦點。
領匯C輪18408：領匯（823）昨收19.22元，升0.6%。近日大市急挫，但領匯走勢靠穩，其實好正常，因為yield高又穩定，跌市具防守力，噚日成交大增，短線有機試20.35元，破位睇21.50元，可以諗作隻C輪18408。
隻輪現價17.8仙，2010年9月20日到期，行使價20元，溢價13.3%，引伸波幅36.1%，有效槓桿5.2倍。正股見21.50元，18408睇30.6仙，正股跌穿18.40元，就沽咗隻輪止蝕。
俊樺