陳法蓉、榮雪梅、翁嘉穗、洪欣等噚日響灣仔出席LaPrairie護膚品午宴，陳法蓉之前上志雲飯局自爆曾因戀情嘅負面新聞想自殺，佢一身白裙精神奕奕，佢話：「我最近讀緊一個澳洲認可嘅情緒輔助課程，希望都幫到啲情緒唔好嘅朋友。」榮雪梅就自爆前日40歲生日，同30幾個朋友慶祝到凌晨兩點，佢好自信咁話唔介意公開年紀。