亞視多年積弱，最近更有傳大股東查氏家族部署全身而退，昨日高級副總裁鄭偉強召見藝人及員工，大派定心丸。林韋辰會後表示高層指令要慳人力及資源，盧海鵬認為前路雖崎嶇，但有信心看到光明前途。
亞視大股東查懋聲前日見記者時披露正為亞視找尋新買家，包括內地地產大亨王征，言語間查懋聲放出有意離場的聲氣。近日接掌製作、藝員和美術三大部門的亞視高級副總裁鄭偉強，為穩定軍心，昨日在亞視大埔總台，召見近百名旗下藝人和員工，諮詢來年製作事項，並聽取員工的訴求。
昨午3時多，鄭偉強主持有關大會，藝員林韋辰、盧海鵬、袁文杰、姜皓文（黑仔）和亞姐姚佳雯等均有出席會議。林韋辰開會後說：「鄭生（鄭偉強）好清晰同我哋講公司嚟緊嘅方向，佢話希望開源節流製作節目，好似我主持嘅遊戲節目《財神到》，佢話想最好一日可以錄到5集，慳番啲人力同資源。鄭生承諾今年會拍多啲劇，盡量將藝人潛力發揮到最好。」
鮑姐撐到底
對於有傳亞視將有新股東入股，林韋辰說：「有邊個投資者唔想公司好，我期待亞視有新火花，殺出血路，最好唔好有咁多爭拗。」剛續約亞視的鵬哥則說：「亞視條路好崎嶇，但光明會見到。」眾人中以袁文杰對公司沒有太大信心：「公司太少製作，講乜都假，希望新股東入股後，思維會清晰啲。」
亞視鎮台之寶鮑起靜昨日在九龍灣出席敬老活動，未有返亞視開會，對於亞視可能有新股東，鮑姐說：「我都有留意噚日（前日）個記者會，好似都冇講到啲乜實際嘢，不過如果有有錢人入主就梗係好喇，我都希望亞視好o架，唔會走，3月都會開劇。」
採訪、攝影：王崇穎、胡比、比華利