今個禮拜初，蘋果財經介紹咗位對冲基金經理張承良畀大家認識。呢位仁兄管理嘅睿智華海基金，09年回報達2.37倍，據彭博資訊09年全球對冲基金績效排名，係全球2333隻對冲基金中排第二，以華人基金經理計，更加係「冧巴溫」！
不過，有時排名嘅嘢，好睇個主辦單位收集咗乜嘢數據。華華就認識另一位對冲基金經理，旗下基金09年回報達2.57倍，單睇回報應該仲勁。邊隻基金咁巴閉？
答案係GalaxyAssetManagement旗下嘅「GalaxyChinaDeepValueFund」。雖然叫Galaxy，但千祈唔好將佢同大陸嘅銀河基金混淆，人哋個中文名叫「嘉理資產管理」，run呢個DeepValueFund嘅基金經理，喺金融市場打滾超過26年，冇乜風浪未見過。