【HongKongFashionWeekforFall/Winter】Angelababy前晚首次為大型時裝騷做司儀，大呼緊張過拍戲10倍。人紅多新聞，Baby被揭咀女性友人，她直認接受同性玩咀嘴，但對所有男性緋聞，包括傳和陳偉霆玩地下情、跟Avex老闆和林建岳兒子拍拖等，一律表示沒可能。
灣仔會展前晚舉行「香港青年時裝設計家創作表演賽2010」，17名年輕設計師各展創意，最終由章少茵以名為「DarkRain」的作品奪得全場總冠軍，飄逸雪紡與沉鬱色彩味道，配合用紮染營造的黑色水滴，以表現大自然凄美為主題。同場加入過去得獎人時裝騷SolarAddiction，樂隊Mr.伴奏介紹歷屆得獎人作品，Rosemary穿上邱雪祺設計的透視裙打頭陣。
做司儀緊張
Angelababy沒行騷，反而首次出任司儀，她事後直呼緊張無比：「好緊張，前幾日先收到啲稿，啲稿好長，近期飛日本多，少講廣東話，生疏晒。今日比拍電影、行騷緊張10倍，我噚日已經不停讀稿。」她自評有80分，但直認沒做司儀的天份，她說：「真係冇，我廣東話唔正，普通話有信心啲。」
冇玩地下情
Baby和陳偉霆分手，有傳兩人轉玩地下情，她說：「唔係，頭先仲有人問我同Avex老闆，又同林建岳個仔傳拍拖，我同大家講冇可能。」早前她被公開和女友人親嘴照，她說：「我唔係鍾意女仔，但可以接受咁玩。」記者笑她桃花旺，男女通殺？她即說：「傳同男仔，就情有可原，傳同女，就真係唔清楚。」她謂不接受和外國男仔拍拖，但現時是搏殺期，一切工作為上。
採訪：LawWaiMan
攝影：ChanChiLam