陳偉霆（William）昨日在無綫將軍澳電視廣播城為節目《兄弟幫》錄影，由William與歐陽靖及林盛斌主持，因崔建邦主持的《MyNameis邦》已經播完，由William的新節目頂上。
談到節目形式，William說：「內容基本上冇底線，乜嘢話題都可以講，所以有啲話題都踩晒界。」他所指的「踩晒界」，原來是談第一次失身的性經驗，William大方承認19歲已失身，他說：「如果話冇，我諗講都冇人信，連我自己都驚，我唔擔心講呢啲話題會影響形象，我哋只係由年輕人角度去傾，分享大家嘅經歷。我反而覺得幾有教育意義，又唔會太死板，不過最後係以乜嘢形式出街，由導演同監製去決定。」問他會否談到緋聞女友Angelababy時，他笑稱只會在節目上講。
採訪、攝影：何慧斯