隨住英超掀起俄國風，球星另一半自然亦入咗班新血。呢班俄兵女友太太團，前排齊齊幫雜誌月曆影咗輯火辣照片，佢哋各自着住性感服裝大騷身材、爭妍鬥麗。睇番輯相，最搶鏡嗰個首推柏夫里約真高老婆娜莉莎，呢位黑髮靚女着住超性感三點式泳裝，坐喺場邊擺出誘人甫士，養眼程度真係唔遜色過香港o靚模周秀娜。不過話時話，其他WAGs大部份都係喺球場上取景，惟獨娜莉莎被安排坐冷板影相；計我求大俠話，都唔知係咪諷刺佢老公柏夫里約真高成日冇正選踢，等佢老婆都感受吓坐冷板滋味！
